Мында каш чурук альбому бар. «Икэбана» биле "Сумиэ" деп альбомнарда мээң бодумнуң кылган ажылдарым база чураан чуруктарым бар. 1999 чылда-ла ол кайгамчык япон уран чүүлдерни сонуургавышаан, 2004 чылдан эгелеп Согецу деп школаның икэбаназын база сумиэ дээр уран-чурулганы таптыг өөренип чоруур мен. Икэбана дээрге баштай шаандагы үеде Кыдатка тыптып келгеш, оон XV-XVI вектерден эгелеп Японияга эки сайзыраан уран чүүл болгай. Янзы-бүрү үнүштерни, чечектерни ажыглап керамик, шаажаң азы шил саваларга, вазаларга кылган композициялар бойдустуң онза-чараш чурумалдарын азы кижиниң сагыш-сеткилинге кирген бодалдарын-даа илередир. "Сумиэ" уран-чурулгазы база баштай Кыдатка тыптып келген. «Аян-чоруктар» деп альбомда азий диптиң Япония, Кыдат, Корея болгаш Бурятия деп чурттарынга чорааш сонуургап, чарашсынып тырткан чуруктарымны көргүстүм. «Өг тигери» деп альбомда делегейниң эң-не улуг, кайгамчык Байкал дээр хөлүнүң эриинге «Хөл кижилери» деп фестивальга болган өг тигери дугайында мастер-классты силерге сонуургаттым.